ابو ذيات روعة

افكر بيك ياصاحب ولانام
ولا يغمض جفن عيني ولانام
اتمنة اكعد كبالك ولانام
عزيز وشوفتك حصرة علية



كتلني الشايل اوراقة وكتبة
ولعب بية زماني طرة وكتبة
ادك اسمك بكلبي وكتبة
لان انتة لوحيد الغالي علية




محبتك تجري بدموعي وبدماي
وعليك شلت اعظامي وية دماي
انجوت بدية ناري وبدماي
وكلت منو ليطابكهن سوية



نور الناس لوطافي علك بيك
وكلبي اليوم يمعود علك بيك
لحطن من علي الشرجي وعلك بيك
حتة من الحسد يحميك الية



تغيب الروح بعيابك وردهة
وروحي بجفاك يذبل وردهة
وكتابج جفاج يمدلل وردهة
ماي انتة وترد الروح الية



كبل مايون كلبك ونتة بية
شلون تريد اعوفك ونتة بية
ولك كلبي انتة امة ونتة بية
ويتيم يصير اذا رحت من ادية[center]