ابوذيات

نسيت وتيهت روحي وهم بيك
وحسافه العمر خلصته وهم بيك
خويت وضيعت ناسي وهم بيك
اطلعت جذاب وهم تضحك عليه


يروحي انتي حياتي وانتي عُمري

وإذا خرب زماني انتي..عَمري

تشع صيتي وكَعت وضاعـ امري

وروحي اليوم وصلت للمنيه


كافي من الهجر بطل ولك عود
الك نغمه بوتر كلبي والك عود
تعال وشوف
هاي سيوف
تبقى جروح
ابد متروح
وكلب ثاني الك يحسب والك عد
واحبك لو تصب تيزاب بيه


عليك اشكد رجف قلبي وداري
ولجل عينك بعت ملكي وداري
اضن تعلم بضيمي وداري
شكد احبك ونت تضحك علية

عجب دنياي تبليني بشرها
وعليه تغيرت هي وبشرها
فرح للناس شو تعلن بشرها
وانا بشراها زفت بس اذيه


اساس بعشرتي وياك صبيت
وجنني الهوه وبلشوك صبيت
انجان انته عليه دموع صبيت
بجيت عيون من فركاك اليه


يظل كلبي بمحبتك دوم ينشــــــــد
يحبك وبس عليك هواي ينشــــــــد
عرفنه العظم من ينكسر ينشــــــــد

وانه كلبي انكسر شي جبرة اليه


وحق الترك بين الناس ثقلين
عيوني من السهر بجفاك ثقلن
أحبك من صدك يفلان ثق لان
احس أنك شراكة وياي بية



منو مثلي صبر للضيم ماهم
وجثير احباب وين أصبحو ماهم
وشما يثكل عليه الحمل ماهم
أهم بفراكم يصعب عليه



ذبت وبنار هجرك مايع اني

وگلبي لغير حبك مايعاني

اذا تعطش اشربك ماي عيني

واعذب الروح اذا تزعل عليه


هجرت القلم من بعدك والكتاب
ودليلي من العشك بطل ولك تاب
وحك العرش والكعبة والكتاب
تضل انتة اعز محبوب الية


تعالوا و شوفو حالي شلون يندار
دم مو دمع من العين ينــــــــدار
دعيت اعليك حبي بيك ينــــدار
انرفضت دعوتي و ركبت علية



زماني شما اريد يكول لا لا
ولا نجم الفرح بسماي لالا
بقة ابيتي من الاثاث لالة
يحركهه الهوة وتثكب علية