الأطلال---منقول

الأطلال

بعدك هم تضن سهر الليالي ايعود
خل عينك عليه شلون راح اغفه

ثكل وزن الجفن كد مابجيت اعليك
ولحد خيط الفجر وكفه ابأثر وكفه

على اصورك بجت ذكرى السنين وفات..
طيفك عالشهور وجفلت اليقظه

أفكر وأنفعل واتبارز اوياليل
وتعال اسأل جفوني الماغفن لحظه

صباح الخير اكلك من كلب مجروح
جدم هجرك يصاحب والزمن رضه

على شرفة حياتي وارد اطيح ابير..
حيره وجفه يمي وجفي واكضه

أنه احساسي نحر وعيونه حد السيف
ويتعمد يصدلي وطرفه ماغضه

حنين النوك احنلك وأدري بيك اتحن
بس لسان حبك ماكمل لفظه

صح محبس ذهب بس مارهمت وياي
ماتلبس ذهب لرجال بس فضه

وحك خلك القدر من باب نكر الذات
غفه دمعي اعلى خدي وكلبي أتشضه

أفه عيني اذبلت من كلبي طره البين
المثلي اعلى الثكال ايدوس مويمضه

أنتصر جيش الخيال بعقلي من مشيت
والواقع تلاشه وجرحي مايرضه

أنه جروحي خشب وفراكك إرضه وقيس
..على خدود الخشب تتنومس الإرضه

وسط كلبي جرح سياب بيه ايعيش
دفع عمره اعلى حظه وماكعد حظه

وكفت اباب بيتك بس بقايا انسان..
على اطلال الأماكن ماكمل فرضه


[center]